Whiz Factory

Naniniwala ka ba sa Pamahiin?

Likas sa atin ang maniwala sa isang pamahiin. Marami tayong mga pamahiin na hanggang sa ngayon ay pinaniniwalaan natin. Mabuti man o masama ay tumatak na sa ating isipan.
Sabi nga ng mga matatanda walang mawawala kung maniniwala tayo sa mga pamahiin.

Ilang buwan na ang nakakaraan nang maabot ko ang aking mga pangarap. Mababakas sa mga mata nina ama at ina ang labis na kaligayahan habang pinagmamasdan nila ang aming bagong tahanan. Mula sa pagiging barung-barong, naging matatag ang haligi nito, at ang ilaw ang siyang nagbigay liwanag para masilayan ang mga bagong kasangkapan.